സ്റേറ്റ് എലിജിബിലിറ്റി ടെസ്റ് (എസ്.ഇ.റ്റി-2012) സെപ്തംബര്‍ 30 ന്
|
ഹയര്‍ സെക്കന്‍ഡറി, നോണ്‍ വൊക്കേഷണല്‍ അദ്ധ്യാപക നിയമനത്തിന് കേരളസര്‍ക്കാര്‍ ഏര്‍പ്പെടുത്തിയിരിക്കുന്ന സംസ്ഥാനതല യോഗ്യതാ നിര്‍ണ്ണയ പരീക്ഷ സെറ്റ് (സ്റേറ്റ് എലിജിബിലിറ്റി ടെസ്റ്) സെപ്തംബര്‍ 30 ന് നടത്തും. എല്‍.ബി.എസ്.സെന്റര്‍ ഫോര്‍ സയന്‍സ് ആന്റ് ടെക്നോളജിയാണ് പരീക്ഷ നടത്തുന്നത്. 50 ശതമാനം മാര്‍ക്കില്‍ കുറയാതെ രണ്ടാം ക്ളാസ് ബിരുദാനന്തര ബിരുദവും, ബി.എഡും ആണ് അടിസ്ഥാന യോഗ്യത. ചില വിഷയങ്ങളെ ബി.എഡില്‍ നിന്നും ഒഴിവാക്കിയിട്ടുണ്ട്. എല്‍.റ്റി.റ്റി.സിയോ ഡി.എച്ച്.റ്റിയോ അല്ലാതെയുള്ള ട്രെയിനിങ് യോഗ്യതകള്‍ ബി.എഡിന് തുല്യമായി പരിഗണിക്കുന്നതല്ല. എസ്.സി./എസ്.റ്റി വിഭാഗത്തില്‍പ്പെടുന്നവര്‍ക്ക് ബിരുദാനന്തര ബിരുദത്തിന് അഞ്ച് ശതമാനം മാര്‍ക്ക് ഇളവ് അനുവദിച്ചിട്ടുണ്ട്. അതിനാല്‍ രണ്ടാം ക്ളാസ് എന്ന നിബന്ധന ഇവര്‍ക്ക് ഉണ്ടായിരിക്കുകയില്ല. ലാറ്റിന് വിഷയത്തില്‍ സെറ്റ് പരീക്ഷ എഴുതുവാന്‍ ഉദ്ദേശിക്കുന്നവര്‍, ഡിഗ്രിതലത്തില്‍ ലാറ്റിന് സെക്കന്റ് ലാംഗ്വേജായി എടുത്ത് 50 ശതമാനത്തില്‍ കുറയാതെ മാര്‍ക്ക് (ലാറ്റിന്) നേടിയവരും ഏതെങ്കിലും വിഷയത്തില്‍ 50 ശതമാനത്തില്‍ കുറയാതെ സെക്കന്റ് ക്ളാസ് പോസ്റ് ഗ്രാജ്വേറ്റ് ബിരുദവും നേടിയവരായിരിക്കണം. അടിസ്ഥാന യോഗ്യതയില്‍ ഒന്നുമാത്രം നേടിയവര്‍ക്ക് ചുവടെകൊടുത്തിരിക്കുന്ന നിബന്ധനകള്‍ ബാധകമാണ്. 1. പി.ജി.ബിരുദം മാത്രം നേടിയവര്‍ 2011 ല്‍ ബി.എഡിന് പ്രവേശനം ലഭിച്ചവരായിരിക്കണം. 2.ബി.എഡ് ബിരുദംമാത്രം നേടിയവര്‍ 2011-12 അദ്ധ്യയന വര്‍ഷത്തില്‍ അവസാനവര്‍ഷ/സെമസ്റര്‍ പോസ്റ്ഗ്രാജുവേറ്റ് പരീക്ഷ എഴുതുന്നവരായിരിക്കണം. 3.മേല്‍പറഞ്ഞ നിബന്ധന പ്രകാരം (ഒന്ന് ആന്റ് രണ്ട്) പരീക്ഷ എഴുതുന്നവര്‍ക്ക് സെറ്റ് സര്‍ട്ടിഫിക്കറ്റ് ലഭിക്കുവാന്‍ അവര്‍ ഈ അവസരത്തില്‍ തന്നെ പി.ജി./ബി.എഡ്. പരീക്ഷകള്‍ പാസായിരിക്കണം. പി.ജി./ബി.എഡ്.പരീക്ഷകള്‍ ഒരേ അവസരത്തില്‍ തന്നെ എഴുതുന്നവര്‍ സെറ്റ് പരീക്ഷ എഴുതുവാന്‍ യോഗ്യരല്ല. കമ്പ്യൂട്ടര്‍ സയന്‍സ്/ഇന്‍ഫര്‍മേഷന്‍ ടെക്നോളജിയിലും, ഇലക്ട്രോണിക്സിലും സെറ്റ് പരീക്ഷ നടത്തുന്നതല്ല. എല്ലാ വിഷയങ്ങളുടെയും സിലബസ് എല്‍.ബി.എസ്. സെന്ററിന്റെ വെബ്സൈറ്റില്‍ ലഭ്യമാണ്. ജനറല്‍/ഒ.ബി.സി. വിഭാഗങ്ങളില്‍പെടുന്നവര്‍ 750 രൂപയും, എസ്.സി./എസ്.റ്റി./വി.എച്ച്./പി.എച്ച്. വിഭാഗങ്ങളില്‍പെടുന്നവര്‍ 375 രൂപയും നല്‍കിയാല്‍ കേരളത്തിലെ ഹെഡ് പോസ്റാഫീസുകളില്‍ നിന്നും പ്രോസ്പെക്ടസും അപേക്ഷാഫോറവും ജൂലൈ രണ്ട് മുതല്‍ 31 വരെ ലഭിക്കുന്നതാണ്. കേരളത്തിന് പുറത്തുള്ളവര്‍ അപേക്ഷ ലഭിക്കാന്‍ ഏതെങ്കിലും ഒരു ദേശസാത്കൃത ബാങ്കില്‍ നിന്നും എല്‍.ബി.എസ്. ഡയറക്ടറുടെ പേരില്‍ തിരുവനന്തപുരത്ത് മാറാവുന്ന 800 രൂപ ഡി.ഡിയും എസ്.സി/എസ്.ടി/വി.എച്ച്./പി.എച്ച്. വിഭാഗങ്ങളില്‍പെടുന്നവര്‍ 425 രൂപ ഡി.ഡിയും സ്വന്തം മേല്‍വിലാസം എഴുതി (31 സി.എം ഃ 25 സി.എം) കവറും സഹിതം ഡയറക്ടര്‍ എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്നോളജി, തിരുവനന്തപുരം എന്ന മേല്‍വിലാസത്തില്‍ ജൂലായ് 20 നകം അപേക്ഷിക്കണം. എസ്.സി./എസ്.റ്റി/വി.എച്ച്./പി.എച്ച്. വിഭാഗങ്ങളില്‍പെടുന്നവര്‍ ഫീസ് ഇളവിനായി ജാതി തെളിയിക്കുന്ന സര്‍ട്ടിഫിക്കറ്റ് അപേക്ഷയോടൊപ്പവും ഹാജരാക്കേണ്ടതാണ്. സെറ്റ് പരീക്ഷയ്ക്ക് അപേക്ഷിക്കുന്നവര്‍, നിര്‍ബന്ധമായും എല്‍.ബി.എസ്. സെന്ററിന്റെ വെബ്സൈറ്റില്‍ ഓണ്‍ലൈന്‍ ആയി രജിസ്റര്‍ ചെയ്തിരിക്കണം. ഇതിനുള്ള നിര്‍ദ്ദേശം പ്രോസ്പെക്ടസില്‍ വിശദമായി നല്‍കിയിട്ടുണ്ട്. ഓണ്‍ലൈനായി രജിസ്റര്‍ ചെയ്തശേഷം ഫോട്ടോ പതിച്ച അപേക്ഷ തിരുവനന്തപുരം എല്‍.ബി.എസ് സെന്ററില്‍ തപാലില്‍ അയക്കേണ്ടതാണ്. അപേക്ഷയോടൊപ്പം യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ കോപ്പികള്‍ ഹാജരാക്കേണ്ട ആവശ്യമില്ല. സെറ്റ് പരീക്ഷയുടെ ഫലം പ്രഖ്യാപിച്ചതിനുശേഷം സെറ്റ് സര്‍ട്ടിഫിക്കറ്റ് ലഭിക്കുന്നതിനുവേണ്ടി ഇവ ഹാജരാക്കിയാല്‍ മതിയാകും. പരീക്ഷയുടെ ഹാള്‍ടിക്കറ്റ് എല്‍.ബി.എസ്. സെന്ററിന്റെ വെബ്സൈറ്റുകളില്‍ ഓണ്‍ലൈനായി ലഭിക്കും. പൂരിപ്പിച്ച അപേക്ഷകള്‍ 2012 ജൂലൈ 31 ന് അഞ്ച് മണിക്കുമുമ്പായി എല്‍.ബി.എസ്. സെന്ററില്‍ ലഭിച്ചിരിക്കണം. ഓണ്‍ലൈന്‍ രജിസ്ട്രേഷന്‍ അന്നേദിവസം മൂന്ന് മണിക്ക് മുമ്പായി പൂര്‍ത്തിയാക്കേണ്ടതാണ്. വൈകിലഭിക്കുന്ന അപേക്ഷകള്‍ പരിഗണിക്കുന്നതല്ല. സെറ്റ് 2012 ന്റെ അപേക്ഷാഫോറം ലഭിക്കുന്ന ഹെഡ് പോസ്റാഫീസുകള്‍ : തിരുവനന്തപുരം ജി.പി.ഒ., തൈക്കാട്, ആറ്റിങ്ങല്‍, നെയ്യാറ്റിന്‍കര, കൊല്ലം, കൊട്ടാരക്കര, കരുനാഗപ്പള്ളി, പുനലൂര്‍, പത്തനംതിട്ട, അടൂര്‍, ചെങ്ങന്നൂര്‍, തിരുവല്ല, ആലപ്പുഴ, ചേര്‍ത്തല, കായംകുളം, മാവേലിക്കര, കോട്ടയം, ചങ്ങനാശേരി, കാഞ്ഞിരപ്പള്ളി, വൈക്കം, പാല, തൊടുപുഴ, കട്ടപ്പന, എറണാകുളം, ആലുവ, കൊച്ചി, മൂവാറ്റുപുഴ, പെരുമ്പാവൂര്‍, ചാലക്കുടി, ഇരിങ്ങാലക്കുട, കുന്ദംകുളം, തൃശൂര്‍, വടക്കാഞ്ചേരി, ആലത്തൂര്‍, ഒലവക്കോട്, ഒറ്റപ്പാലം, പാലക്കാട്, മലപ്പുറം, മഞ്ചേരി, പൊന്നാനി, തിരൂര്‍, കോഴിക്കോട്, കോഴിക്കോട് സിവില്‍ സ്റേഷന്‍, കൊയിലാണ്ടി, വടകര, കല്‍പ്പറ്റ, കാഞ്ഞങ്ങാട്, കാസര്‍ഗോഡ്, കണ്ണൂര്‍, തളിപ്പറമ്പ്, തലശേരി.
|
Monday, June 25, 2012
Subscribe to:
Post Comments (Atom)
No comments:
Post a Comment